[{"data":1,"prerenderedAt":-1},["ShallowReactive",2],{"$fMcbGHVzmWeggjQyA5II097fXbTN7K5OVko2e7nXtx5U":3,"$fkMYd9XKxylRcLtmE48gNbtnS-kecNLINDcJE3hqZ9MA":61},{"id":4,"title":5,"visible":6,"description":7,"coverUrl":8,"pageCount":9,"publishYear":7,"isbn":10,"language":11,"avgRating":12,"ratingsCount":6,"reviewsCount":6,"readsCount":13,"views":14,"shelvesCount":13,"hasEbook":15,"ebookType":7,"visibleEbook":16,"hasEpub":15,"epubUrl":7,"author":17,"translators":7,"editors":7,"category":7,"publisher":20,"publishers":23,"reviews":25,"authorBio":35,"quotes":38,"relatedBooks":39},244050,"أنين الأشجار",1,null,"https:\u002F\u002Fcdn.raffy.me\u002Fresize\u002F400x600\u002FBooks\u002FJun16\u002Fraffy.ws_2440500504421466578812.jpg",128,"17719\u002F2015","ar",4,2,635,false,0,{"id":18,"nameAr":19},61942,"سيد الجهني",{"id":21,"nameAr":22},2938,"شركة دار المختار",[24],{"id":21,"nameAr":22},[26],{"id":27,"rating":28,"body":29,"createdAt":30,"user":31},28199,5,"هو كتاب شعري محكي بلهجة أهل صعيد مصر  يدخل بك في عالم الطبيعة والناس الطيبة \nوما يغمرها من مثل وأعراف وتقاليد  ويرسم لك لوحة خلابة من واقع الإنسان المصري البسيط \n\n\n                                                            (  أنين الأشجار )\n\n                                                                (1) \n                                                           (قـــــــــــــــــــــــــــــــــــدر )\nقدر ومكتوب \nقعدت تحت الحيطان أبكي\nقالوا : البُكَا ممنوع \nخرت دموعي غصب عني \nقالوا:  بُكَا من الجوع \nحطيت يدي علي خدي \nورحت أعد  فروع \nداريت وشي من الناس \nقال : الراجل مخروع \nسِبتْ القدم يمشي \nلقيت القدم مجذوع\nعشنا الزمان نجري \nوالقلب فينا موجوع \nحكم القوي عـ الضعيف  \nمادام الطريق معووج\nونعيش حياتنا في نكد \nوالحق لينا محجوب \nمره يخدنا اللوم \nومره نخدها سكوت \nومره يركب قفانا الخوف \nومره نعلي بصوتنا الشوف \nحتى الطعام معاد يجدي\nمادام بالدين والسلف مجلوب \nالميه مصدرها  سحاب ومطر \nأما شرابنا  اليوم مكروب \nنشرب من عكار البشر \nوالكاس شرابها ذنوب \nتحت الحيطان نبكي \nلون الدموع خروب \nنخشي شمات الناس \nليقولوا جاور أبوعرقوب \nكتر الأذى من الخلق \nوعشنا الزمان في كروب \nبعنا الشرف بالهلس \nوقلنا الزمن مقلوب \nنحلم نعود للماضي \nونشتهي الوئام يعود \nفين  الجميل  عدى \nوالخلق صار مصلوب \nيا رب كنا في هنّا\nواليوم الأسد مرعوب \nخلص الكلام وانتهى \nلما صبح الفساد مرغوب \nونعيش حياتنا في عجل \nونقول هيجي يوم مشهود \nكفاية نعيش في الحلم \nونقضي حياتنا سكوت\n                                                      \n                                                      @@@@@\n                                                           (2)\n                                                   (الدايرة )\n\nالدايرة دايرة  ونازلة تلف \nولا بد يوم من صوله \nتمد فيها القدم . \nوالعين تجري ورا الصورة \nبدى أكون فاهم .\nولا أبقي أسير للصورة \nولا خفيف طاير ،\nمثيل الطير كعصفورة \nالفكر في الراس داير، \nأما البيبان مقفولة \nكل  الخ طاوي تقف ،\nالشك ليه الشك،\nوالظن ساكن بمقصورة\nيا شمس النهار هدي ،\nأوعي تغيبي ع العين شبورة \nبدي يكون النهار صاحي  ،\nوأخد من الخلق معلومة \nالليل طال ومد حباله ،\nوخلى النفس مكسورة \nبدي علامة نصر ، \n صبحت كل البلاد مهجورة \nعايز أرفع أذاني ،\nأرفع راية كياني ،\nوألبس قميصي من تاني ،\nوأخرج بره حدود حبساني \nوأعيد حقي من جاني \nوأخد نفس طويل ،\nأروي بيه قلبي الحزين ،\nوأداوي من جرحي الغرير \n         كفايـــــــــــ ة \nأنا بين ضلوعي رئة \nضاقت فيها الأنفاس   \nأنده علي خلي وعمي \nوأجري ورا الوسواس\nوأحط فاسي بين الهدد \nألاقي تحت الهدد أعراس \nيا ما كتير تحت التراب \n        بيئن ،\nوالمشكلة في الناس \nمهما ان بكيت من الألم \nوجبت طبيب مراس\nيفضل علينا الوبا \nمدام قاعد عباس \nحتى الرحيل معاد نافع  \nكل الدروب ليها ترباس \nفينك يا فجر بلادنا\nمات المؤذن ، \nولا غواه وسواس \nالدايرة دايرة ، \nولا فينا من معتبر \nوالزمن نازل بيجري \nوالحق ليه حراس \n\n\n                                                             @@@@@@@@\n\n\n                                                               (3)\n                                           [ الســــــــــــــــــــوق ]\n\nسوق جواه سوق \nرحت السوق  أشتري برقوق\n شفت الفقري أبو عـــرقوب \nشفت الشايب أبــــو صندوق \nواللي مدقنن أبو زقــــــزوق \nرزقه في رجله في الزنقوق \nواللي يطاطي ليه مرعـــــوب\t\nواللي يعاند ليه معـــــــــيوب \nكله بيجرى للمــــــــــرغوب \nيطلب رزقه من الزغــنــوب \nكله تايه في ضهره خازوق  \nقالع براسه وشــــــايل فاسه \nونازل يولول مكــسور باسه \nعيش مطاطي عـشان ناسه \nجيبه خاوي يعــــني افلاسه \nوالحفيان نـــــــاسي مداسه \nكل الدنيا في عينه مقاسي \nنفسه في حظ يفلق راسه \nوتبقي الضربة كد مقاسه \nويعيش حر في بحر نفاسه\nينهي عذابه في مدت موجه \nقبل ما يفقد عمره في هوجه \nيعني ممات في لحظة وجات \nأصل الموت للبشر إسكات\nراحة نفس مـــــن الهتهات \nأصل الروح ليـــــــها معاد \nربك عــــــــــــالم بالنيات  \nشايف خلقه كالحيونات \n        @@@@\nسألت أخينا بكام الكيلو \nخفت أعلي وصوتي يبان\n خفت يكون البايع مايع \nيسمع صوتي ألاقي تبايع \nقلت نفسي ليه تبايع \nأفضل حاجه بلاش إشهار \nشافني البايع وحك في جلده \nبرّم شنبه وحرك زنده \nعلا الضحكة وشد الصوت \nوراح ينادي علي البرقوق \nملت أقوله كام مطلوب \nأوعي يكون ريعك  معطوب\nقال: ميت جنيه للكيلو وخد \nأصل العملة اليوم ما تبد \nعمله رقيقة عايشه زهيدة \nتشبه عندنا سيل الزبد \nهات من جيبك وطلع عد \n      *****\nبدنا شيء يكون مرغوب \nصاحي ملعلع مش معطوب \nيعني سليم متعافي شديد \nناصب ضهره زى حديد \nمن غير زحمة لكيلواللحمة\n ولا جفيان وينشف ريق \nقلت خلاص كفاية حديت \nأنا مش عايز جل وقيد \nجنيه تعبان غاوي ينام \nكل ما يصحي يروح سكران \nواخد حقنة تنوم فيل \nأصله مريض من ساعة السيل \nأخده البرد في جبل التلج \nراح اتسبح في عصر أحد \nيعني بلاش ناكل برقوق \nنرجع نلعب الزغوب \nحتى عيالنا ملهاش مطلوب \nحاجة تحير بشر مغلوب \nمال الناس ومال السوق \n\n\n                                                      @@@@@\n\n                                                         (4)\n\n                                        [ رايح أركب جمل ]\n\n\n\tرايح أركب جمل \nركب الجمل حلو ومسلي \nيا بخت طــــــــويل البال \nالراكب عــ الضهر بيصلي \nدايما عـــ النبي المخـــتار\nبعد الصــــــــــــلاة  يسكن \nساعة يغني وســـــاعة ، \nيضــــــــــــرب المزمار \nيمشي  الطــــــــــــريق \nقطر سريع عــ القضبان \nوتمر الأمور هوا وغبار \nفإن كنت بدك تصاحب \nأبو أيوب يعرف المشوار \nصابر والصبر عنده كتير \nعلي الضهر ميت قنطار \nما يبك الحمل أو يشكي \nوإن كان الدمع أنهار \nأتعلم الصبر وهو اللفة \nجبل ما تهزه ريح أو نار \nيصعب عليك ظلم الجبل \nإن كنت حسيس أفكار \nوالشهم لازم يتـــــسند \nولا تبدي ليــــــه إنكار  \nشيال الحمول ما يبرك \nلو قدت فيه بالنـــــــار\n أما البشر جهـــــــلان \nعايش جبان كالـــــفار \nجو الجحور متخبي \nخاوي مثيل فخـــــار \nيخزن في جوفه النكد \nولا ليه أصول معيار \nوان سبته راح فالطرب \nوخلى  بوزه منــــــقار\nماله لو شــاف الجمل \nوبلاش يدعي إبــحار \nصعب عليــــنا الشبه \nفرق الجنة من النار \nكيف المثل في الجمل ؟\nوكيف البهيم مغوار ؟\nألحق ضرب المثل \nفي ام الكتاب أنوار \nيا بخت من صاحب جمل \nوخلاه ونيس أفكار \nوتعلم الصبر منه \nوشاركه يوم في حوار \nويترك زحام الحضر \nويشرب مياه أمطار \nركب الجمل حلو ومسلي \nيكفي معاه مشوار \n\n\n                                                                               @@@@@@\n\n                                                                       (5)\n\n                                                      [ مهما يكـــــــــــــــون ]\nمهما يكون \nمهما يكون ومهما إن قالوا \nعمر الليل ما هيفضل جاري \nمهما طال غياب الشمس \nوطال جوانا الليل والقهر \nها تشرق شمس وينادي فجر\nإحنا عرفنا النور من فترة \nقبل ما نركب قطر و بَكْره \nلحظة ضلمة ولا زم تمر \nعمر الشر ما كان يسر      \nعمر الليل ما كان يهونا\nولا بقينا عرايا للغيم \nولا يبقي النور في العين ضلمة \nولا تبقي الدنيا لينا حجاوي \nبكره جاي وكله ضي \nيموت الظالم ويحيا الحي \nأكيد من جوانا شيء شديد \nمن جوانا دموع وشكاوي \nمن جوانا جروح ماليها مداوي \nمن جوانا ألم وأنين \nلما شربنا شربنا كتير \nشربنا من العكر والطين \nلكن الحق ما مكمن يضيع \nوالطالب يبقي وضيع \nآه آه يا بلادي \nطول عمري أقول فداك \nطول عمري أنشيد نشيد \nساعة الصبح أصبح \nوأرفع بأيدي العلم واصدح \n أغني دايما بلادي بلادي \nأنا عارف الأمر مش ميسور \nولا المشكلة عدس وفول \nولا سكر بكام وزيت وصابون \nالمشكلة في الناس \nالمشكلة في إيد كناس \nوعلي الصدر ميت غمة \nوالصوت بح والصورة بقت كُبه \nما زلت يا بلدي عروس الدنيا \nوعمر ما يكون زواجك صح \n مادام القاضي ماليه مطرح \n  ولا فيه عروس من زفاف \n                                        \n\n\n                                                              @@@@@@@@@@@\n\n                                                              (6)\n\n                                                   [ هــــــــــدي تعــــــــــــــــــدي ]\n\n\n@@@@@\nهدي تعدي \nيا اللي معارض هدي تعدي \nقبل ما تنسي إنك مدي \nالسياف واقف علي الباب \nعنده أوامر يجز رقبتي \nوطي دماغك تبقي أفندي \nمن غير غاغة أو زمارة \nو طبلة تضرب في راس الحارة\nأحكي حكايتك واقعد جنبي\t\n واخفض صوتك وأوعي تعلي  \nفيه طيارة ليها سنارة \nجايز تاخدك قبل ما تدري \nعيش أيامك وبدل حلمك \nلسه كتير عليك وبدري \nكل الناس ليها حجارة \nأما حجارتك طين ورملي \nجاتك نيلة يا واكل ناسك \nعايز تلبس بدله وتبقي إفرنجي\nناسي أبوك وناسي جدك \nوضارب الحزمة ورابط خصرك \nوناس إن الدنيا لينا مقلوبة \nمن أيام السيد أبو عرقوبة \nتدينا وش وبناكل مش\nوالمسكين ما قادر ينش \nما إحنا أموات في عصر صاجات \nواللي قتلنا أبوه هتهات \nمن أيام عمنا مينا \nواللي يصقف ابن لمينا\nوإحنا في محنة وفين كلوينا \nواللي حاكمنا ليه رقابينا \n       @@@@@\nيا اللي معارض هدي تعدي \nفوقنا طيارة ليها هدير \nزى العاصفة وعاملة زئير \nإيه لو يعني كانت العيشه ، \n      جو مغا رة\nما الصياد ليه سنارة \nلو عايز يصيدك في ضربة حظ \nقبل ما تلحظ وعينك تبص \nتاخدك غارة في الدوامة \nيا له وقولي فين الشاطر أبو شطارة  ؟\nنازل تغني علي الزمارة \nوطبلك يضرب وعامل غاغة \nآه لو شافك عمي غبارة \nوسجل اسمك بإس الجارة \nرحت في داهية ودخلت مغارة \nيا اللي معارض هدي تعدي \nعايز تشرب سم الدردي \nوتنسي عيالك وتطلع تجري \nوأمك تصرخ وتنزل تبكي \nما إحنا تمام وفي أحسن حال \nشوف حوالينا بلاد الشام \nكل ديارها صارت ركام \nحتى الناس ملاقية خيام \nوالأموات كام تعد \nواللحاد راح يكد \nكأن الدنيا ما راضية تهد \nذنب وكاسر بعد ممات \nبص بعينك وحكم عقلك \nشدة تزول ولا حد يموت \nبكرة ها تفرج وناكل توت \nوالعطشان ها يشرب صاقع \nيعني قازوزة وشربات ناقع \nوالجوعان ها يقول لحمة \t\nمهما كانت الناس وكانت الزحمة \n           @@@@@\nهدي شوية وريح بالك \nشعوب فسدانة ماليها مطالب \nعايزه العسكر مش أبو طنجر \nكان الصالح فينا كتير \nوال فسدان ماله معايير \nأما اليوم قش ولم \nيا ما كتير لبست طراطير \nويا ما كتير صبحت زرازير \nولسه امبارح شايف حلم \nكنا جواسر فوق اليم \nلينا قبطان ما يتزم \nما سك الدفة زى الصقر \nوساعة الموج ما يعرف عوج \nولما تغيب الشمس يخر \nكام أحكيلك وكام أسردلك \nوانت يا روحي راكب فكرك \nشوفت الساقية من تغور \nتطلع ميه وتسقي البور \nعارفك عارفك وعارف فكرك \nلما تسمع زمارة تطلع تجري \nحط الحلث ولف ودور \nزى البغل في الحنطور \nأو زى التور جو المحرات \n\n\n\n                                                    @@@@@@@@@@\n\n                                                                        (7)\n\n                                                            [  أحــــــــــــــــــــــــوال ]\n\nدايره ودايره \nولا بد ليها من صـــــــــــوله \nيمشي القــــــدم ويخــــــطي \nوالعين تجري ورا الصورة \n        *****\nمش لا زم تعيش سئمان \nوتسيب القلب فيك عيان \nفكر علي باب تنــــــــفد\nوخليك  كيف عصفورة \n        *****\nعيش كالحجر وتقـــيل \nإياك عن الطريق تميل \nالعبرة مش العـــــجلة\nالعبرة في البال الطويل \n      *****\nشد حيـــــــــــلك ومد \nالدنيا لما تــبدى تمد \nوان بخلت لمت اليد \nوكفاية بطــل ظنون \n     *****\nشمس العدل ما تغيب \nوغير رزقك ما تصيب \nاللــيل لازم يــــــولي   \nحتى إن فارغ الجيب     \n       *****\nبدك علامــــــــة وراية \nوحاطط في قلبك حكاية \nأخرج بــــــره جدرانك \nتشوف الحقيقة مرايه\n\n\n\n                                                                     @@@@@@@@@\n\n                                                                    (8)\n\n                                                   [ ليه يا خــــــــــــــــــــــالتي ]\n\n\nليه يا خالتي \n\n\nأختي أمي تبقي خالتي \nشيء طبيعي من غير مزايدة \nبالملامح بالسلوك  ولما تشد أيدي \n       وترن ساعتي \nلما تفرح ، لما تغضب ،لما تضحك \nأو لما تحكي وتيجي جنبي \nالولاد همه ولادها \nواحد أخويا من أبويا \nوالتاني ندي وأبن خالتي \nواللي بعده من نفس نسلي \n ند أبويا ويبقي ...عمي \nجدنا عاش هنا زمان \nماسك عروبته مهواش أفندي \nعلي الكتاف حاطط عبايه \nلابس عميمته ومغطي راسه\nجو الصحاري عنتر زمانه \nراكب حصانه وحامي أرضه \nجردوه من قعده حلوه \nولبسوه من غير ملابسه \nلبسوه زعبوط محنتك \nوخلوه واحد أونطي \nلما مات مات بخنجر \nوشرحوه بمشرط تمرجي \n          ***\nليه يا خالتي ....؟ \nخشوا بيتنا أو خشوا بيتك \nفين أخويا وابن عمي \nفين صديقي وابن خالتي \nما إحنا كنا عايشين تمام \nونطلع ونرعى كالحمام \nمن المحيط حتى الخليج \nحتى فارس عايش معانا وفي سلام \nلما غراب يتعدي حده \nيعبر حدودنا فوق الجبال \nالجوارح تاخد مكانها \nوإن كان بوده يكون سيام \nمش ممكن يفوت أو حتى يعدي\nيبقي الخراب يعم البلاد\nنقطعله رجله ونسوي حده  \n            ***\nليه يا خالتي ...؟\nأرضنا صارت خراب \nوالغراب نازل نعاق \nكم مدينة صارت رماد \nكم حزينة تحت التراب \nولما أقولك تقولي هدي \nليه يا خالتي كل المصاب \nشفتي بعينك فين الحبايب \nشفتي بعينك بحر الرشيد \nبحر غاضب ما له حبيب \nما بقي صاحب ولا حبيب \nوإن حكينا حكانا معيب \nونبقي تهمه والنار تزيد \n             ***\nليه يا خالتي \nكل يوم لينا وزير \nفي الطيارة ونازل يطير  \nيقضي الليلة نضيف متشفي \nوبعد الليلة نشوفه نكير \nقسما بالله هذا كتير \nلسه امبارح قالوا أمين \nوعلقوا يفطه بين حطين \nكيلوا الرز بربع العشرة \nأما السكر بكام مليم \n نجيب غيره أحسن منه \nعارف يخطي وخالي سِمُه\nعايش في عيد \nونازل يقيد \nوالبنزين مش لا زم يزيد \nوكيلوا اللحمة هيكون الإيد \nمن خير بلادنا كله يفيد \nلحم حماره أو فرخايه النار بتقيد \nسجل نفسك جو القيد \nأصل الدفتر ليه مواعيد \nآه لوفتك قطر عزيزنا \nرحت في  دهيه ومت أكيد \t\nسامعة يا خالتي .! ولا طرشانه \n\nبكره نكمل ألف حكاية \n         أنتظرني   \n\n\n\n                                                              @@@@@@@@@@@@\n\n                                                                 (9)\n\n                                                         [ أبو البنــــــــــــــــــــــــــــــــــات ] \nأبو البنات \nيا ابو البنات مالك ؟ \nقاعد وحيد وحزين \nنازل تدور وتلف محتار \nحاطط يدك علي خدك \nوماسك في اليد منديل  \nمش قادر تقوم منهار \nخايف من الدَنيا  ؟ \nولا خايف من الهم يكبر\nوتبقي الحياة دمار \nالحمول علي الكتف بالشيل  \nمش قادر تكمل المشوار \nقوم . بعد التعب راحة \nكل شيء يلزمه إقرار \nقوم وانتصب وشد عودك \nوإن جالـــــــــــك عريس \nأوزنه بمــــــــــــــــعيار \nالناس فيها وفيها \nفيها الرخيص اللي بلا تمن \nوفيها الدهب الوزن فيه بجرام \nقالوا الكبار قوله أو كلمة \nأسس لبنتك قبل الولد \nوإياك تخاف الفقير \nإن كان علي النهج والدين \nواللي يصون العرض \nويخاف الأذى من العار \nدور عاللي تقاويه صالحة \nمنين مايمشي فالدنيا عمار\nواللي يصون العهد \nوببقالك سند \nوإن مشي جنبك ليه الوقار \nوكفاية من تقاليع العصر \nوكفاية نقول البنت ليها الخيار \nأول خيار البنت \nعريس موضة \nتكشف غطاه تلاقيه منشار \nعامل سبع البرمبة \nفاكر نفسه أسد مغوار \nوال قعده حلوه علي الرصيف \nوالشيشة لها أحوال \nسبنا الأصول وقعدنا نجري \nوجرينا راح في الهوى\nولا ركبنا  فيوم بحر نغرق \nولا جرينا جو العتامة مشوار \nغرقنا في الطوفان \nوراحت كل حاجة \nوضاعت في الرؤؤس الأفكار \n \n\n\n                                                                                @@@@@@@@@@@\n\n                                                                (10)\n\n                                                   [ مالك ومـــــــــــــالهم ] \n\n\n             \nمالك ومالهم \nقالوا النسا ألوان \nواحدة: تريح البال \nوالتانية: تعيش موال \nوالتالته :ليها أقفال \nوالرابعة: تشكي من الأحوال \nيصعب عليك فهمهم \nلو خضت يوم دربهم \nتمشي أكيد حفيان \nوتعيش مع الأحزان \nيا بخت من سد ودانه\n وقال الست ليها لجام \nإياك  تكون سئمان \nويحل بيك دندان \nكتب الإله وأمر \nالصبر ليه  أحبال \nولا تبقي الدقيقة جبال \nولا تندم علي العزوبية\nولا تحزن علي الأيام \nولا تركب قوارب سفر \nوانت ما ليك  شطئان \nموجك صبح قاسي \nوالبحر فيك غضبان\nمركبك ما عاد فاضي\n والحمل فيه تقلان \nتنده علي مُــــــــنْجِد \nعاقل وليك منصف\n ويقتل الدنـــــــــدان \nدا اليم  بات يقـــــــلب \nوما عادت يوم قبطان \nتحــــــكي وتتـــــندم\n وتتــــــمني تتعـــــدل\n يا رتـــني يا ربـــــــي\nما سبت يوم دربـــي \nولا عشت السنين جـــبال \nدا الحيطة ليها ودان \nنفسك تعيش سكران  \nتلعب مع الأطفـــــال\nولا يكون ليك فيوم حــرمة \nولا تصبح لهاّ جُرمه \nشيلاك في صـــــره \nإن نمت ربطـــــــاك \nوإن قمت مسكاك\nإن قلت يا حرمة  \nوقعت في جرمه\nترفع  حواجبها \nوتركب قواربها \nوتشد علي الساري\n الدفـــــة مسكاها \nركبت علي دماغك \nوبدلك ليك حالك \nتضحك علي  غلبك \nومن جوه تتــــــألم \nوتقول يا ريتني\n اليـــــوم  متعلم\n ولا تبـــــــقي متندم \nوالحرمة ت ها سجيني \nكأنك لها  الجاني \nلما رحت تخطب \nمالك وما لهم \n\n\n                                                         @@@@@@@@@@@@\n\n                                                           (11)\n\n\n\n                                                      [ إيــــــــــــــــــاك تلوم )\n\n(إياك تلوم )\nأنا اللي شلت فوق كتفي \nهموم الخلق وبقاسي\nوحفرت الأرض بصواب عي \nوشقيت الصخر بالفاسي \nوصهرت الناس في دني\nوجعلت كل الخلق هم ناسي \nما فرقت بين أحمر ولا أبيض \nولا قلت فيوم عزوتي و ناسي\nولا صاحبت واحد لحاجة \nونكرت عزتي وحماسي \nسكنت قلبي دروب العباد \nواللي يبكي أنهنه بأكياسي \nوعشقت رحيل الليل \nويضيق الصدر وأنفاسي \nوابذر بذوري واتمني احصد \nألاقي حصيدي حصده كناسي \nوأتعلق مع التور جو الخطوط \nينكرني توري ويا محراثي \nما أخاف الشمس تضربني \nولا تيجي الضربة في راسي \nتفلق نافوخي نصين \nقلبي  يموت جنبي \nوجسمي يبلي من قرف ناسي \nحبيت أبعد عن الشر وأغني \nوما ألبس في رجلي نعلي ومداسي \nلكن ريح الخريف دايما شديدة \nتهز الشجر والنخل مدام عالي \nصدقني يا خلي وكن مؤمن \nعشقت السمر وكرهت إفلاسي \nوكرهت وجع الدماغ \nوما عدت قادر أعود لمراسي \nالله الله عليك يا دنيا\nأكتب ما أكتب همك طويل وفاشي\nخلص مدادي وانتهي قرطاسي  \nإياك تعيب علي مجنون \nدا القلب شال من الوجع\nومن هم الناس صبح قاسي\n\n\n\n                                                                         @@@@@@@@@@@@@@@\n\n                                                             (12)\n\n                                                          (لما البلية تلعب )\nخطي بقدمك وأوعي تلين \nوحاسب نفسك \nقبل ما تبقي عجين \nولما تخطي نادي مولاك \nواعلي بصوتك وقول يا معين \nعمره الحق ما تجيبه سكين \nفيك ك عيون شايلها راسك \nبص بعينك وابقي فطين \nخلي بصيرتك للمعدول \nواللي يطاطي لازم يغور \nبكره هايفني ولازم يزول \nآه لو قادر يعمل غول \nلعب البلية وصار مغرور \nعبا جيوبه لب وفول \nوساب التوك توك والحنطور \nجاب الفرنا والمرسيدس \nوبعد الظهر ركب الفور \nقلع البدله وشال العمة \nوسك عمارة عشرين دور \nكانت العملة ما تعرف جيبه \nولما عرفها كان مسطول \nولما تجيله يخاف يمسكها \nوكل ما تقرب يدهش منها \nيا خد غفلة ويشم ريحتها \nويحضن فيها زى عشيقته \nولما تفارقه يبات مهموم \nبليه ولعبت وجابت زهور \nوجات المركب بالمحمول \nتصعد منها ريحة الكور \nمين يتكلم مين يقول \nواللي بيشهد شاهد زور \n        دستور ....!\nمن غير تعويذة يجي شمهور \nيطفي اللمبة وعاشق الضلمة \nكل حياته من غير نور \nجايز يطلع جن يثور \nأو تور صغير ليه قرون \nحاجه تحير لب الواحد \nلما الباطل ربا جذور \nوصبح الحق في الدنيا يقاسي \nوتطلع روحه وجلده نسور \nوالمسكين وكلاه الدنيا \nنازل يدور علي قرشين \nساكن في بيته الله أعلم \nوفوق القبة غراب البين \nويفضل يجري زى طاحونة \nويعصر جسمه زى ليمونة \nويقدح راسه في الجدران \nوالغلبان وكلاه النار \nحتى عينيه ما عادت شايفه \nومن اعصابه ما قادر يقوم \nمهما راح أو هب وقب \nيفضل عرضه ودنيته سد \n      ليه نحتد \nخطي برجلك وأوعي تلين \nوخلي الخطوة ليها سكين \nواللي يعوقك حطه في بير \nمهما إن قالوا أنت متين \nلو كان صاحبك عنده ضمير \nوأخذك صاحب وبقي قرين \nكل الناس صاور شياطين \nولما اللية بتلعب  تدي \nولما بتدي بتدي كتير \nساعتها :\n يبقي الأعمي ساعاتي  \nوالجربان يلبس قفاطين \n\n\n                                                              @@@@@@@@@@@@\n\n                                                      (13)\n\n                                                    [يا عمنا ]\n\n\nيا عمنا خطوتك لينا كرامة \nنلنا الشرف بيك وزيـــــادة \nدر مكنون رجوله وشهامة \nراجل وليك زوق وعمادة \nالحرف ليك يطاطي كرامة \nومنك  ننال الخطى وقيادة \nعمنا وعم الكل \nواللي ما عجبه ماليه في العقل فهامه \nممنون لك عمنا وأستاذنا كلماتك بلسم وعبير \nوالشكر لك منا جزيل \n\n\n\n                                                          @@@@@@@@@@@\n\n                                                                 (14)\n\n                                                        [ رباعيات متفرقة ]\n\n\nأيام بـــــتلف وتـــدور \nزي تروس الطاحونة \nناس بـــــدنا نغـــــور\nطبعها زي الصابونة\n      ***\nحب القلــــــــوب رباني \nوالبغض أبـوه شيــطان \nدايما تطــــــــبخ براني \nالناس مدرياها الحيطان \n       ***\nزمن وتقلبت فيه الوشوش \nووشوش راحت منها الشاشة \nناس صبحت لينا وحوش \nوناس وشها كله غباشه\n       ***\nخلق عريان وفاضي \nوالدنيا ماشيه وعطياه \nياخد ما يدي ما راضي \nوالندل هياه هياه  \n         ***\nفي القبر عملك يناديك \nولا حد يقدر يحوشه \nملكين يحاسبوا فيك \nوالزين يفتكر دايما وحوشه \n\n          ***\nدنيا ومتقسمه فيها الحظوظ\nونصيبك لازم وتاخــــــده \nواطي وبالرزق محظوظ \nإباك يغرك وحايــــــــــده \n         *****\nالخساسة عند الخسيس لها فنون \nوعند اللي زيه مشروعه \nتلاقيه بنفسه مفـــــــتون \nوكل عهوده ليك مقطوعة \n           *****\nظالم ولا مظلوم ولا الحكم فيك جاير \nعايش بلا زاد ولا كيلك فاض بالعاير \nابني لنفسك دار كل الناس ليها دواير \n              *****\nخلي ضميرك حي متخاف \nرزقك علي الله مكتوب \nما تتلوي ولا تبقي آف \nولا تصير عند الخلق معيوب \nعزيز النفس عمره ميتعاف \nواللي يبيع ضميره مجدوب \n           ***\n\nعيان يا طبيب ولا حد قال عوا فيه\nراح الكريم وتبدلت اليوم عوا فيه \nبلاش الفرح يا عوازل  في يوميه \nبكره ها يجي وترجع للأصيل  عوا فيه \n              ******\nربي صغير الغنم يجي يوم تلاقيه \n تربي صغير البشر يجي يوم للمال يفنيه \nخسارة تزرع الشوك والمر بإيدك \nلو كنت غاوي سلامه  بلاش ومن البداية افنيه            \n                   \n\n\n                                                              @@@@@@@@@@@@\n\n                                                               (15)\n\n                                                              [ إيــــــــــــــاك تميل ] \n\n\n(إياك تميل )\nيا اللي مسكت القــــــــــلم \nوبدك تقـــــــــــول مواويل \nوبدك تمد الخــــــــطاوي\nوما خفت القلم منك يميل \nولا تاخدك حروف الجـــر \nتجرك شمال ومره يمين \nوان جيت في يوم تتنصب \nتلاقي بعد الشد تنـــــوين \nوتروح في سكون المدى \nوتقول أكتب حروفي لمين \nوتمد أيـــــدك للحـــــــديد\nجايز في يدك أمــكن يلين \nالواو سكن جو ضلــوعك \nويكدب عيـــــــــنيك الميم \nوتشرب كاسك من الهوى\nوأول حروف الجمع جيم \nوتلاقي الفعل متــــــقسم \nواحـــــــــد ماضي وراح \nوواحد لسه فيه سايرين\nوواحــــد بالأمـــــر ينفذ \nربك كـــــريم ومعـــــين \nتبقي حروفــــــــك جمل\nوتخط هوى للعاشــقين \nكأنك تبيع للناس الجوى \nواللام تصـــــــير تعليل \nوالسابق كان مــــــــبتدأ \nوالخبر إمكن يجيه تأخير \nوالماضي جايز يتنسي \nلكن العيون شايفـــــين \nويمر بــــيك الزمـــــــن \nمتـــــــعدد التقاســــــيم \nواللي غـــــــواه الحكي \nطرطرب ودانـــــــه كتير\nوان هبت الريح يجري \nتنفخ في جسمه يطــــير \nأما الـــــرزين تقـــلان \nوالكلـــــــمة ليها تعبير  \nأما الفــــــــواصل نقط \nوالنقـــــــطة ليها تدبير \nتركب قــــــــطار السفر \nوابن الأصــــــول يشير \nواللي دراعــــــه انكسر \nعايز أبــــــــــــوه يشيل \nوان حطت عالكتف حمولك \nإياك تقـــــــــول محاميل \nيـــــــا ما كتير أنكـــــوي\nمن كثرة الدمــــــــاميل \nإياك تبيع من غير شِرَي \nوتخلي الكــــــلام ملاليم \nالحرف التقــــيل يتوازن \nمن الدر ليه قنـــــــــاطير \nويا ما كـــــــــتير أتوزن \nوالسعر كان (هــــــلين )\nأوعي تكــــــون مغتصب \nابن اللئـــــــــــيمة جهيل \nبيقولوا العــــــلام بالقلم \nوالشعر ليـــــــه دواوين \nوالرسم كان علي الحجر \nعمره ما كان تــــــراتيل \nواللي بنا لينا الهــــــرم \nكان مصري بالتــــأصيل \nدهشت صــــــدور البشر \nومن يومها لينا تهـــــليل \nولا كل اللي نال عـــلامه \nولا كل اللي ليــــــه تأويل \nارحم فـــــــؤادك واهتدي \nمسك القـــــــلم تفنــــــين \nولا يبقي الكلام شخبطه \nولا يبقي العلام تجهيل \nياما الطــــبول لينا دقت \nأما العبيط يراه تهـــويل\nخليــــك يا خــــلي فطن \nوابعد عن التقيل وشيل \nعاد نحتوا جوف الحجر \nوتحت العماد ساكنــــين \nوالبـــــــــــحر لما انفلق\nفرعون قال أكيد داركين \nأما العصايه كانت خشب \nوالسحر كـــــــان تعابين \nيا بخت من قدر وعفـــا \nبعد الغــــــــــضب ويلين \nويكون رقيــــــــق القلب \nوالصبر عنـــــــده جميل \nأصله الفـــــــؤاد أنكوي\nلما بشــــــــوف مهابيل \nالقلم يكــــــــون مردمه\nلما الضــــــــــمير يميل \nالعلم أصلا موهــــــــبة \nوالقدرة في اللي يشيل \nوالتقـــــوى  تبقي لربنا \nوالحمـــــــد  ليه تبجيل\nإياك تـــــــــــروح للقلم \nوتكتب حــــــروفك شين","2016-06-22T07:00:50.000Z",{"id":32,"displayName":33,"username":33,"avatarUrl":34},72220,"سيد يوسف مرسي الجهني ","https:\u002F\u002Fcdn.raffy.me\u002Fresize\u002F100x100\u002FUploads\u002FNov2020\u002FUser\u002F72220\u002Fmedia\u002F71939\u002Fraffy-ws-1576965816-80198793_567833080717234_4114968390605471744_n.jpg",{"id":18,"name":19,"avatarUrl":7,"bio":36,"bioShort":37},"الشاعر : سيد يوسف مرسي الشهير بسيد الجُهني ، من مواليد 1957 جمهورية مصر العربية شهادة متوسطة ، ويعمل بشركة مصر للألومنيوم بصعيد مصر يكتب الشعر الحر وله مؤلفين قصائد نثرية ( رحلة بين جدران ) و ( وحين يحلم القلم ) يأكتب الشعر المحكي باللهجة المصرية وله ديوان (أنين الأشجار ) ويكتب الشعر المقفي التفعيلي، وكتب القصة القصيرة مؤخراً.","الشاعر : سيد يوسف مرسي الشهير بسيد الجُهني ، من مواليد 1957 جمهورية مصر العربية شهادة متوسطة ، ويعمل بشركة مصر للألومنيوم بصعيد مصر يكتب الشعر الحر وله مؤلفين قصائد نثرية ( رحلة بين جدران ) و ( وحين ي",[],[40,45,50,56],{"id":41,"title":42,"coverUrl":43,"authorName":19,"avgRating":12,"views":44},244015,"رحلة بين جدران","https:\u002F\u002Fcdn.raffy.me\u002Fresize\u002F200x300\u002FBooks\u002FJun16\u002Fraffy.ws_2440155104421466393656.jpg",573,{"id":46,"title":47,"coverUrl":48,"authorName":19,"avgRating":12,"views":49},244014,"حكاياتي المقاهية","https:\u002F\u002Fcdn.raffy.me\u002Fresize\u002F200x300\u002FBooks\u002FJun16\u002Fraffy.ws_2440144104421466392918.jpg",560,{"id":51,"title":52,"coverUrl":53,"authorName":19,"avgRating":54,"views":55},245892,"حين يحلم القلم","https:\u002F\u002Fcdn.raffy.me\u002Fresize\u002F200x300\u002FBooks\u002FMar17\u002Fraffy.ws_2458922985421488907296.jpg",3,414,{"id":57,"title":58,"coverUrl":59,"authorName":19,"avgRating":16,"views":60},337902,"الجميلة والشباك","https:\u002F\u002Fcdn.raffy.me\u002Fresize\u002F200x300\u002FBooks\u002FSep25\u002Fraffy.me_1757442893485.jpg",136,{"books":62},[63,64,65,66,68,76,84,92],{"id":41,"title":42,"coverUrl":43,"authorName":19,"ratingsCount":6,"readsCount":13,"views":44},{"id":46,"title":47,"coverUrl":48,"authorName":19,"ratingsCount":6,"readsCount":13,"views":49},{"id":51,"title":52,"coverUrl":53,"authorName":19,"ratingsCount":16,"readsCount":6,"views":55},{"id":57,"title":58,"coverUrl":59,"authorName":19,"ratingsCount":16,"readsCount":16,"views":67},261,{"id":69,"title":70,"coverUrl":71,"authorName":72,"ratingsCount":73,"readsCount":74,"views":75},93,"حياة في الإدارة","https:\u002F\u002Fcdn.raffy.me\u002Fresize\u002F200x300\u002FBooks\u002FJun11Feb16\u002F2011-10-20-00-40-554e9fb7dcad76f.jpg","غازي القصيبي",133,374,18687,{"id":77,"title":78,"coverUrl":79,"authorName":80,"ratingsCount":81,"readsCount":82,"views":83},1442,"الخيميائي","https:\u002F\u002Fcdn.raffy.me\u002Fresize\u002F200x300\u002FBooks\u002FJun11Feb16\u002Fraffy.ws_14422441.jpg","باولو كويلو",104,371,20098,{"id":85,"title":86,"coverUrl":87,"authorName":88,"ratingsCount":89,"readsCount":90,"views":91},87,"بيكاسو وستاربكس","https:\u002F\u002Fcdn.raffy.me\u002Fresize\u002F200x300\u002FBooks\u002FJun11Feb16\u002F2012-02-06-11-49-334f300efda63f8.jpg","ياسر حارب",71,326,31089,{"id":93,"title":94,"coverUrl":95,"authorName":96,"ratingsCount":97,"readsCount":98,"views":99},34214,"الأسود يليق بك","https:\u002F\u002Fcdn.raffy.me\u002Fresize\u002F200x300\u002FBooks\u002FJun11Feb16\u002Fraffy.ws_c1360146330_.jpg","أحلام مستغانمي",102,284,15790]