ضوه بسرداب - شعر عراقي

عن الكتاب

غريبة بصحرة بس شاربك جان فياي / وبردانة بوگت بيه السما غطاية /جابوك بنعش بس گلت لا ما مات / وأقنع نفسي بالشالوك مشاية / وهسه اتأكدت هاي النعاوي اعليك / من سمعوني كلمة ارملة حچاية / آنه تمنيت أشگ العلم عل التابوت / والفه بشيلتي البسمك محنايه / من دفنوك حتى الوطن رد للبيت / بقيت بطرگ روحي و بنتك ويايه / ومن عفتك جوادر حضرت بالروح / وأحس نفسي نجف بس لابسه اعبايك / الما عدها رجل تلتم عليها ذياب / وجنت أختل بحضنك جنح فختايه / وأثاري الموت بس للعنده كومة عيال / للعنده قصيبة و مشط. ومرايا / للعنده مره تختل وبالسباچ / تزته بعينها و تقر له ألف آيه / بس اليمص دم الناس لا ميموت / أعرف ناس عدلة و گاتله هوايه.